AQSh-ta daýyl saldarynan 300 myńǵa jýyq adam jaryqsyz qaldy

LÝIZIANA. QazAqparat – AQSh-tyń Lýızıana shtatynda «Zeta» daýyly saldarynan aǵashtar qulap, jaǵalaýdaǵy joldardy sý basyp qaldy. Shtattyń 300 myńǵa jýyq adamy elektr jaryǵynsyz otyr, olardyń 230 myńnan astamy – Jańa Orlean qalasy men onyń mańynda, dep habarlaıdy QazAqparat Associated Press agenttigine silteme jasap.

AQSh-tyń Daýyldy baqylaý ulttyq ortalyǵy «Zeta» soltústik-shyǵysqa qaraı 11 m/s jyldamdyqpen jyljyp bara jatyr dep habarlady. Daýyldyń jyldamdyǵy, ekpinin qospaǵanda, 46 m/s-qa jetedi.