AQSh-ta dáriger 103 balany azǵyndatqany úshin 14 ómirlik merzimge jazaǵa kesildi
ASTANA. 29 tamyz. QazAqparat - Amerıkanyń Delaver shtatyndaǵy Djordjtaýn qalasynyń soty dáriger-pedofıldi 103 balany azǵyndatqany úshin 14 ómirlik merzimge jazaǵa kesip,
taǵy da 164 jylǵa túrmege otyrǵyzýǵa úkim shyǵardy, dep habarlaıdy VVS-tiń orys qyzmeti.
Bredlı eki jasar qyz dárigerdiń «denesin aýyrtqany» týraly shaǵymdanǵan keıin 2009 jyly tutqyndalǵan bolatyn. Sábı ózine dárigerdiń ne jasaǵanyn naqty aıtyp bergesin ǵana máseleniń mán-jaıy túsinikti boldy. Buǵan deıin ol polıtsııanyń nazaryna kúdik týǵyzyp eki ret ilikken bolatyn, alaıda túrli aıla-sharǵymen qutylyp ketti.
Bredlıdiń turatyn meken-jaıyna tintý júrgizgen kezde, polıtseıler zorlyq-zombylyqqa toly birneshe beınetaspa jazbasyn tapty. Tergeý onyń jalpy sany 103 balaǵa azǵyndyq jasaǵanyn anyqtady.
