COVID-19: AQSh-ta vaktsına qabyldaǵan 10 bala kóz jumǵan

ASTANA. KAZINFORM — AQSh-tyń Azyq-túlik jáne dári-dármekti qadaǵalaý basqarmasynyń (FDA) komıssary Martı Makarı COVID-19 ınfektsııasyna qarsy vaktsınany alǵannan keıin balalardyń kóz jumǵany týraly aqparatty rastady, dep habarlaıdy DW.

Martı Makarı Fox News efırinde vedomstvoda COVID-19 vaktsınatsııasy balalardyń ólimine sebep bolǵanyn aıtty. Onyń bul pikiri The New York Times basylymyndaǵy aqparattan keıin shyqty. Basqarma komıssary gazetke shyqqan jańalyqty rastady. 

Basylymnyń habarlaýynsha, FDA vaktsınatsııa bóliminiń bastyǵy Vınaı Prasad 28 qarashada qyzmetkerlerge jadynama jibergen. Tekserý barysynda vaktsınatsııadan keıin 10 balanyń osy ekpeden mert bolǵany anyqtaldy. Boljamdy sebep mıokardıt dep ataldy.

Jazbada balalardyń jasy, olardyń densaýlyq jaǵdaıy nemese ekpe men ólim-jitim arasyndaǵy baılanys ornatylǵan ádisteme týraly derekter joq. Vaktsına óndirýshisi týraly da aıtylmady.

Ǵalymdardyń zertteý nátıjesi boıynsha COVID-19 vaktsınasy qaterli isikpen kúresýge kómektesedi.