AQSh-ta COVID-19-ǵa qarsy preparat maquldandy

NЬıÝ-IORK. QazAqparat – Amerıka Qurama Shtattarynda sársenbi kúni Pfizer Inc kompanııasynyń COVID-19-ǵa qarsy preparaty (PFE.N) maquldandy. Ol qatty aýyrý qaýpi bar 12 jastan asqan adamdarǵa arnalǵan. Ony úı jaǵdaıynda em qabyldaý kezinde qoldanýǵa bolady. Bul, sonymen qatar, tez taralyp jatqan «omıkron» shtamyna qarsy jańa qural retinde usynyldy, dep habarlaıdy QazAqparat Reuters-ke silteme jasap.

Pfizer kompanııasynyń klınıkalyq zertteýiniń derekterine saı, Paxlovid antıvırýstyq preparaty 90% tıimdiligin kórsetken. Sońǵy zerthanalyq derekter boıynsha, preparat «omıkron» shtamymen kúresýge de jaramdy.

«Preparattyń maquldanýy – mańyzdy qadam, ol COVID-19 ınfektsııasyn basqarýǵa kómektesedi», dedi Djons Hopkıns Densaýlyq saqtaý ınstıtýtynyń aǵa ǵylymı qyzmetkeri Amesh Adalıa.

«Alaıda bul oraıda eki másele týyndaıdy: aldaǵy aptalarda preparat az bolady, ony tıimdi qoldaný tez dıagnostıkany talap etedi, al bul koronavırýsqa test tapsyrýdaǵy turaqty problemalardyń saldarynan qıynǵa soǵady».

Pfizer kompanııasynyń habarlaýynsha, 180 000 em kýrsyna arnalǵan preparat osy jyly jiberýge daıyn tur. Kompanııa men AQSh úkimeti otyrǵan kelisim-shart boıynsha, ár kýrs 530 dollarǵa baǵalanyp otyr. Úkimet 10 mıllıon em kýrsyna arnalǵan preparat suratqan.

Preparat tek retseptpen beriledi. Dárini qabyldaý koronavırýs sımptomdary baıqalǵan kezden bastap bes kúni boıy ár 12 saǵat saıyn qabyldap otyrý kerek.