AQSh-ta COVID-19 ekpesinen bas tartqan áskerıler qaıta jumysqa qabyldanyp jatyr
VAShINGTON. KAZINFORM – AQSh Qorǵanys mınıstri Pıt Hegset koronavırýsqa qarsy mindetti vaktsınatsııadan bas tartqany úshin jumystan bosatylǵan áskerı qyzmetkerlerdi qaıta qyzmetke alý týraly buıryqqa qol qoıdy. Bul týraly Pentagon resmı málimdeme jasady, dep habarlaıdy Anadoly.
Mınıstrdiń aıtýynsha, qazirgi ýaqytta pandemııa kezinde ekpeden bas tartqany úshin shettetilgen áskerı qyzmetkerlerdiń quqyqtaryn qorǵaýǵa baǵyttalǵan qosymsha quqyqtyq tetikter ázirlenip jatyr.
– Biz osy saıasattan zardap shekken azamattardyń áskerı mansabyn qaıta tikteý úshin bar kúshimizdi salýdamyz, - dedi Pıt Hegset.
Aıta keteıik, bıyl 27 qańtarda AQSh prezıdenti Donald Tramp COVID-19 vaktsınatsııasynan bas tartqandardy qaıta qyzmetke qabyldaý týraly jarlyqqa qol qoıǵan bolatyn.
Buǵan deıin AQSh Qorǵanys mınıstrligi Shyǵys Eýropadaǵy 6 000-ǵa jýyq amerıkalyq sarbazdyń josparly rotatsııasy osy jazda ótetinin málimdegen edi.