AQSh-ta Capital Gazette redaktsııasyna jasalǵan shabýyl kezinde bes adam qaza tapty
VAShINGTON. QazAqparat - AQSh-tyń (Merılend shtaty) Annapolıs qalasyndaǵy kóne basylymdardyń biri - Capital Gazette bas keńsesinde bolǵan atysta bes adam qaza tapty, dep habarlaıdy QazAqparat CNN agenttigine silteme jasap.
Okrýgtik polıtsııa basshysynyń mindetin atqarýshy Ann-Arandel Bıll Krampft jergilikti jýrnalısterge bergen baspasóz máslıhatynda osylaı málimdeme jasady.
«Bes adam qaza tapqany bizge málim boldy. Sondaı-aq birneshe adam aýyr jaraqat aldy», - dedi ol.
Shabýyl jasalǵan gazet qyzmetkerleriniń biri Týıtterde qaskóıdiń áınek esikten oq jaýdyrǵanyn jazdy. «Ol bizdiń redaktsııadaǵy birneshe adamdy mert etti. Kóp nárse jazǵym kelmeıdi, biraq bul bizge óte aýyr soqqy boldy. Eń qıyny adamdarǵa oq jaýdyryp jatqanyn ústel astynda jasyrynyp otyryp estý edi. Tipti ol qarýyn qaıta oqtap jatqany da anyq estilip turdy», -dep jazdy jýrnalıst.
«Bizdegi málimet boıynsha, bes adam qaza tapty, taǵy birnesheýi aýyr jaraqat aldy. Oq atqan adam ustalyp, qamaldy. Odan jaýap alyndy», - dedi Jergilikti polıtsııa basqarmasynyń basshysy Stıven Shý.
Onyń aıtýynsha, shabýyl jasalǵan jerde jarylǵyshqa uqsas zat tabylǵan. Stıven Shýdyń túsindirýinshe, bul zattyń qandaı qurylǵy ekendigine qatysty naqty málimet joq. Ol munyń tez tutanatyn suıyqtyq quıylǵan ydys bolýy múmkin ekendigin atap ótti, tipti benzın bolýy da múmkin.
