AQSh-ta burǵylaý qondyrǵylary sanynyń artýy aıasynda munaı quny tómendeýde

ASTANA. QazAqparat - Baker Hughes munaı-gaz servıstik kompanııasynyń AQSh-ta burǵylaý qondyrǵylary sanynyń artýy týraly derekteri negizinde dúısenbide munaıǵa álemdik baǵa túse bastady.

Máskeý ýaqyty boıynsha saǵat 08.20-da Brent markaly soltústikteńizdik munaı qospasynyń qarashadaǵy fıýchersteriniń quny      1,42% -ǵa -barreline 47,34 dollarǵa tústi.     WTI  markaly munaıǵa qazandaǵy fıýcherster quny   1,59%-ǵa - barreline  45,15 dollarǵa deıin tómendedi, dep habarlady   RIA Novostı.

Jumada jarııalanǵan  9 qyrkúıekte aıaqtalǵan jumys aptasynda Baker Hughes derekteri boıynsha    AQSh-ta burǵylaý qondyrǵylarynyń sany       11 birlikke,  nemese  508 birlikke deıin 2,21%-ǵa artqan.   Jyldyq mánde kórsetkish  340 birlikke, nemese    40,09%-ǵa qysqardy.

Bul rette munaı burǵylaý qondyrǵylarynyń sany 7 birlikke nemese 414-ke deıin 1,71%-ǵa artty. Gaz óndirý qondyrǵylarynyń sany 4 birlikke nemese 4,54%-dy qurap, 92 birlikti qurady. Derekter naryqta usynystyń kóp bolýy saldarynan jaǵdaıdyń nasharlaýynan qaýiptengen ınvestorlarǵa keri áser tıgizdi.

 «Naryqta burynǵysha zapas kóp. Bul odan ári baǵanyń tómendeýine alyp kelýi múmkin, ıaǵnı qaıtadan 40 dollar mejesine jetýi yqtımal, - dedi Blýmberg  agenttigine Sıdneıdegi CMC Markets bas naryq taldaýshysy  Rık Spýner (Ric Spooner).