AQSh-ta Burger King meıramhanasynda tamaqtyń ornyna bir dorba aqsha berip jibergen
ASTANA. QazAqparat - Amerıkandyq Nıý-Gempshır shtatynyń Rochester qalasyndaǵy Burger King meıramhanasynyń qonaǵy asqa tapsyrys berip, onyń ornyna aqshasy bar dorbaǵa ıe boldy, dep habarlady "Vestı.Ru".
Djanell Djons avtodámhanasynan tamaq satyp almaq bolǵan. Kóligimen taǵamdy satatyn jerge kelip býrger men sýsynǵa tapsyrys bergen. Dorbanyń betin ashyp kórmesten ala salyp, ol ary qaraı jol tartqan. Keıin tamaqtanbaq bolǵanda Djons dorbadan 2,6 myń dollardy kórgen.
Aqsha arnaıy konvertte bolǵanyna qaraǵanda, qyzmetkerler ony bankke tapsyrýǵa daıyndaǵan kórinedi. Kúıeýimen aqyldasqan áıel aqshany Burger King-ke qaıtarýdy uıǵarǵan.
Burger King meıramhanasynda da mundaı jaǵdaı bolǵanyn rastady, alaıda aqsha dorbanyń ishine qalaı túskenin túsindirmedi. Aqshany qaıtarǵan áıel bes ret tegin tamaqtaný múmkindigine ıe boldy.
