AQSh-ta býkmekerler Jaqııanovtyń múmkindigin qarsylasynan eki ese artyq baǵalady
ASTANA. QazAqparat - Býkmekerlik keńseler qazaq boksshysy, WBA belbeýiniń «ýaqytsha» chempıony Janat Jaqııanovtyń aldaǵy jepe-jegine boljamdaryn jasady, dep habarlaıdy QazAqparat tilshisi.
Olardyń boljamy boıynsha Ýorrenge favorıt retinde 1.20-1.25 aralyǵynda usynylyp otyr. Al jerlesimizge senim artpaǵan býkmekerler 4.00-4.30 koeffıtsıent berdi. Kezdesý teń aıaqtalǵan jaǵdaıda - 25.00.
Esterińizge sala keteıik, Jaqııanov 2017 jyldyń 10 aqpanynda AQSh-ta WBA (Super) jáne IBO belbeýleri úshin judyryqtaspaq. Jerlesimizdiń qarsylasy sharshy alań ıesi 29 jastar Raýshı Ýorren. Ol buǵan deıin 15 jekpe-jek ótkizip, 14-in jeńispen aıaqtaǵan.
Al jerlesimiz osyǵan deıin 27 kezdesý ótkizgen. Onyń bireýinde ǵana qarsylasyna ese jiberip, qalǵan 26 jekpe-jeginde jeńiske jetken.
Aıta keteıik, Jaqııanov sońǵy ret 2015 jyldyń qarasha aıynda tóreshilerdiń sheshimimen venesýelalyq Ionfrez Parehony utyp, «ýaqytsha» belbeýdi jeńip alǵan edi.
