AQSh-ta bir úmitker prezıdent saılaýyna túsýden bas tartyp, Trampty qoldady

FLORIDA. KAZINFORNM - Florıda gýbernatory Ron Decantıs jeksenbide Respýblıkalyq partııadan prezıdenttikke úmitker bolýdan bas tartqanyn jáne caılaýda aldyńǵy qatarda turǵan burynǵy prezıdent Donald Trampty qoldaıtynyn málimdedi, dep jazady VVS.  

Desantıs bul sheshimdi H áleýmettik jelisinde (burynǵy Twitter) jeke akkaýntyndaǵy vıdeoda jarııalady.

Onda Desantıs Aıova shtatyndaǵy kokýstarda ekinshi oryn alǵan soń «bizde jeńiske jetýdiń naqty jospary bolmasa, qoldaýshylarymyzdan ýaqyt bólip, resýrstaryn qurban etýdi suraı almaıtynyn» aıtty.

Bir apta buryn Aıovada ótken prezıdenttikke kandıdat úshin partııalyq saılaýdyń birinshi kokýstarynda Desantıs ekinshi oryn alyp, al Tramp úlken basymdyqpen jeńdi.

Tramp Respýblıkalyq partııanyń bul shtattaǵy músheleriniń 51 paıyz daýysyn, al Desantıs — nebári 21 paıyz daýys jınady.

«Respýblıkalyq partııanyń praımerızindegi saılaýshylardyń kópshiligi Donald Trampqa ekinshi múmkindik bergisi keletini anyq […] Men ony qoldaımyn, óıtkeni biz burynǵy respýblıkalyq gvardııaǵa nemese Nıkı Heılı usynatyn qaıta korporatıvızmge orala almaımyz», — dedi Desantıs.

Ron Desantıs Respýblıkalyq partııanyń ekinshi shtat, Nıý-Gempshırdegi praımerızine eki kún qalǵanda saılaýdan bas tartty.

Bul rette sońǵy saýalnamanyń biri bul shtatta ol Tramptan (50%) jáne kandıdat Nıkı Heılıden (34%) áldeqaıda artta qalyp, bes paıyzben úshinshi oryn alatynyn kórsetti.

Endi Tramptyń Respýblıkalyq partııadan kandıdat bolýǵa kúreste taǵy bir mańyzdy qarsylasy qaldy, ol — Ońtústik Karolınanyń burynǵy gýbernatory jáne AQSh-tyń BUU-daǵy burynǵy elshisi Nıkı Heılı.