AQSh-ta Bostondaǵy lańkestik boıynsha qazaqstandyq stýdentke qatysty sot bastaldy
ASTANA. QazAqparat - AQSh-ta búgin 2013 jyldyń sáýirinde Bostonda oryn alǵan terrorlyq aktini tergeýge kedergi keltirdi dep aıyptalǵan qazaqstandyq stýdent Azamat Tájaıaqovqa qatysty sot bastaldy, dep habarlady ITAR-TASS.
Qalalyq sotty alqa bılerdi irikteý ótedi dep kútilýde. Olardyń aldynda 20 jasar Tájaıaqovtyń taǵdyryn sheshý mindeti tur. Amerıkandyq sot tájirıbesine sáıkes, 12 negizgi jáne birneshe qosalqy alqa bılerdi jınaý kerek. Prokýrorlar men advokattar 7 shilde kúni kirispe sózderin sóıleıdi. Tájaıaqov pen Qadyrbaevtyń advokattary BAQ-ta únemi esimderi Johar Tsarnaevpen birge atalǵan kúdiktilerge qarsy qasaqana árket etpeıtin alqa bılerdi tańdaý óte qıyn bolady dep boljaýda. Ótken aptada belgili bolǵandaı, Tájaıaqov óziniń kináli emes ekenin aıtyp, tergeýshilermen ymyralasýdan bas tartty. Esterińizde bolsa , sot oǵan óz aıybyn moınyna alsa, jazasyn jeńildetýdi ýáde etken edi. «Biraq ol óziniń kináli emes ekenin biledi. Sondyqtan eshkimmen ymyralaspaıdy», - dep málimdedi aıyptalýshynyń qorǵaýshysy Mettıý Maıers. Tajaıaqovqa qarsy sotta Qadyrbaevtyń tanysy Baıan Kúmisqalı jaýap bermek. Ol FBR agentteri Belford qalasynda Qadyrbaev pen Tajaıaqovtyń páterin tintigen kezde birge bolǵan. Kúmisqalı sotta jaýap berse, kez kelgen aıyptan bosatylatynyna kepildik berildi.
