AQSh-ta Boston marafony kezinde bolǵan jarylystar qurbandarynyń sany úsheýge jetti
ASTANA. 16 sáýir. QazAqparat - Bostonda bolǵan jarylystar saldarynan kóz jumǵandar sany úsheýge jetti, dep habarlaıdy Reseı Jańalyqtar agenttigi.
Buǵan deıin qaza bolǵan eki adam týraly habarlanǵan bolatyn.
Qalalyq polıtsııa komıssary Ed Devıstiń aıtýynsha, teraktini jasaýda kúdiktiler áli joq. «Túsinikter alynyp jatqan adamdar ǵana bar. Biz muny istegenderdi tabý úshin árbir tasty qoparatyn bolamyz», - dedi ol.
Eske salaıyq, jergilikti ýaqyt boıynsha kúndizgi saǵat úsh shamasynda Boston marafony ótip jatqan kezde arasyna 12 sekýnd salyp eki jarylys boldy, 141 adam zardap shekti. AQSh bıligi jarylystardy lańkestik dep atady. Boston polıtsııasynyń kontrterrorıstik qurylymy qalada iske qosylmaǵan taǵy bes jarylǵysh zatty tapty, olar zalalsyzdandyryldy.
AQSh quqyq qorǵaý organdarynyń ókilderi bombalardyń qýaty az bolǵandyǵyn málim etti. Onymen qosa, jarylystar ornynda joǵary sapaly jarylǵysh zattardyń izderi tabylmady, bul qurylǵynyń qoldan jasalǵandyǵyn kórsetýi múmkin.
AQSh Prezıdenti Barak Obama teraktiden keıin el halqyna shuǵyl málimdeme jasady. Ol jarylystardyń uıymdastyrýshylaryn taýyp, jazaǵa tartýǵa ýáde etti. Prezıdent sondaı-aq bútin el boıynsha qaýipsizdikti kúsheıtýge tapsyrma berdi.
Tekserýdi AQSh Federaldyq tergeý bıýrosy júrgizetin bolady.
