AQSh-ta boran qaýpinen myńǵa jýyq áýe reısteri toqtatyldy
ASTANA. QazAqparat - Amerıkanyń birqatar shtattarynda Atlant jaǵalaýynan kele jatqan qarly burqasyn qaýpi saldarynan myńǵa jýyq áýe reısteri toqtatyldy nemese keıinge qaldyryldy. Qazir Vashıngtonda sońǵy ondaǵan jyldarda bolmaǵan kúshti boran kútilýde.
Búgin áýe qatynasyn toqtatqan jáne toqtatýdy josparlap otyrǵandar qatarynda - United Airlines, American Airlines , Southwest Airlines, Delta áýekompanııalary bar.
Eldiń meteorologııalyq qyzmetiniń esebi boıynsha, qarly burqasynnyń keltiretin shyǵyny 1 mlrd dollarǵa jetýi múmkin.
AQSh-tyń shyǵys jaǵalaýynda bıyl qysta qar túspegen bolatyn. Alaıda myna qarly burqasynnan keler qaýip kóp, barlyq joldardy qar basyp, kóktaıǵaq bolady, jeldiń jyldamdyǵy saǵatyna 80,5 km-ge jetedi dep kútilýde.
