AQSh-ta bolǵan joıqyn tornadodan 20-dan astam adam zardap shekti

NЬıÝ-IORK. QazAqparat – Ótken túnde Mıssısıpı shtatynan júrip ótken birneshe tornado saldarynan 20-dan astam adam zardap shegip, bir turǵyn qaza tapty, dep habarlaıdy QazAqparat Euronews.com agenttigine silteme jasap.

Lýın dep atalatyn shaǵyn qalashyq qatty zardap shekken. Áýeden túsirilgen sýret pen vıdeolarda qıraǵan úıler, synyq úıindileri men maıysqan aǵashtar beınelengen. Quıynnan qatty zardap shekken qalanyń biri Moss-Poıntta jeti adam bank ǵımaratynda qamalyp qalǵan. Olarǵa qutqarýshylar kómekke keldi.

Apat brıgadasy zalal kólemin anyqtap jatyr, keı aımaqtarda elektr taratý jelisi qulaǵandyqtan pılotsyz ushý apparattary jumys istep jatyr. Jergilikti bılik ókilderi jol men basqa ınfraqurylym nysandarynyń zaqymdalǵanyn habarlady.

Mıssısıpıdiń ortalyq bóliginde 49 000-nan astam úı kúshti jel saldarynan jaryqsyz qaldy.