AQSh-ta bolǵan jol apatynda Qytaıdyń úsh azamaty qaza tapty

ASTANA. KAZINFORM — 22 tamyz kúni Nıý-Iork shtatynyń soltústiginde bolǵan avtobýs apaty saldarynan Qytaıdyń úsh azamaty qaza taýyp, taǵy toǵyz adam jaraqat aldy, dep habarlaıdy Sınhýa.

Bul týraly jeksenbi kúni QHR-dyń Nıý-Iorktegi Bas konsýldyǵy habarlady.

Jaraqat alǵan toǵyz adamnyń jeteýi aýrýhanadan shyǵarylǵan, al qalǵan ekeýi medıtsınalyq kómek alýdy jalǵastyryp jatyr.

Qytaı Halyq Respýblıkasynyń Bas konsýldyǵy qaza tapqandardyń otbasylarymen baılanysqa shyǵyp, apattyń saldaryn joıýǵa kómek kórsetýge kirisken.

Senbi kúni konsýldyqtyń jumys toby oqıǵa ornyna baryp, aýrýhanadaǵy zardap shekkenderdi jaǵdaıyn bilip, qajetti konsýldyq kómek kórsetti.

Budan buryn habarlanǵandaı, Qytaıdyń soltústik-batysyndaǵy Tsınhaı provıntsııasynda salynyp jatqan kópir qurylysynda trostardyń úzilýi saldarynan 12 adam qaza tapty. Taǵy tórteýi iz-tússiz joǵalǵandar qatarynda ekeni aıtyldy.