AQSh-ta bolǵan atys saldarynan 10 adam jaraqat aldy
ASTANA. KAZINFORM – AQSh-tyń Arızona shtatyndaǵy Týson qalasynda bolǵan jappaı atys saldarynan 10 adam jaraqat aldy. Zardap shekkenderdiń arasynda kúdikti de bar, dep habarlaıdy Sınhýa.
Týson qalalyq polıtsııa basqarmasynyń málimetinshe, atys jeksenbige qaraǵan túni qala ortalyǵyndaǵy adam kóp jınalǵan aýdanda bolǵan.
Jergilikti buqaralyq aqparat quraldarynyń habarlaýynsha, atalǵan aýmaqty patrýldep júrgen polıtsııa qyzmetkerleri oq atylǵanyn estip, oqıǵa ornyna dereý jetken. Sol jerde olar qashyp bara jatqan er adamdy baıqap, toqtaý týraly talap qoıǵan. Alaıda kúdikti polıtseılerdiń zańdy talabyna baǵynbaǵandyqtan, tártip saqshylarynyń biri qarý qoldanýǵa májbúr bolǵan.
– Polıtsııa qyzmetkerleri zardap shekkenderge oqıǵa ornynda alǵashqy medıtsınalyq kómek kórsetti. Keıin olardy Týson qalasynyń órt sóndirý qyzmeti jaqyn mańdaǵy aýrýhanaǵa jetkizdi. Kúdikti ustaldy, aýyr jaraqat alǵan birneshe adamǵa medıtsınalyq kómek kórsetilip jatyr, – dep habarlady Týson polıtsııa basqarmasy.
Aıta keteıik, Tennessı túrmesindegi 5 tutqynnyń ólimine qatysty qylmys tergelip jatyr.
