AQSh-ta Boeing 767 erekshe fleshka kesirinen shuǵyl qonýǵa májbúr boldy
ASTANA. 6 jeltoqsan. QazAqparat - AQSh-tyń Kanzas-Sıtı áýejaıynda (Mıssýrı shtaty) Boeing 767 jolaýshylar ushaǵy shuǵyl túrde qonýǵa májbúr boldy. Qonýdaǵy basty sebep laıner ájethanasynan tabylǵan kúmándi USB-jınaqtaýshy boldy, dep habarlaıdy RBK.
American Airlines áýe kompanııasynyń ushaǵy San-Frantsıskodan Nıý-Iorkke ushqan bolatyn. Kanzas-Sıtıge májbúrli túrde qonǵannan soń 227 jolaýshy ushaqtan shyǵarylyp, laıner ishinde muqııat tintý jasalǵan. Polıtseıler budan basqa eshqandaı kúmándi zat tappaǵan.
Osydan keıin Federaldyq tergeý bıýrosy qyzmetkerleri jolashylardyń árqaısymen áńgimelesip, bortta qandaı da bir kúmándi zat kórgen-kórmegendern surastyrdy.
NBC-diń habarlaýynsha, shuǵyl túrde qonýǵa sebepshi qurylǵy, shyn mánisinde fleshkaǵa uqsas beıne kamera bolyp shyqqan.
Kanzas-sıtı áýejaıynyń ókilderi muqııat tintý jumystary 2001 jylǵy 11 qyrkúıekte oryn alǵan lańkestik áreketinen soń qaýipsizdiktiń jańa amaldary men terrorızmge qarsy kúres sharalarynyń júrgizilýimen túsindirdi.
