AQSh-ta birneshe jalǵan medıtsınalyq mekeme ashýǵa kómektesti degen kúdikpen Qazaqstan azamaty ustaldy - respýblıkalyq basylymdarǵa sholý
***
«Shanhaı yntymaqtastyǵy uıymyna múshe elder Memleket basshylarynyń keńesine qatysý úshin kelgen Qazaqstan Prezıdentin Qytaı basshylyǵy úlken qurmetpen qarsy alyp, ekijaqty kezdesýlerge resmı reńk berdi. Aldymen Elbasyn QHR Tóraǵasy Hý Tszıntao qabyldady. Ol kezdesý Halyqtar jınalysy úıiniń ǵımaratynda ótti», - dep jazady „Egemen Qazaqstan" gazeti beısenbilik sanyndaǵy „Tatý kórshilikten tabysty áriptestikke" degen taqyryptaǵy maqalasynda. Basylymnyń atap ótýinshe, ekijaqty kelissózderdiń qorytyndysy boıynsha birqatar mańyzdy qujattarǵa qol qoıyldy: Olar - Qazaqstan Respýblıkasy men Qytaı Halyq Respýblıkasynyń strategııalyq seriktestigin odan ári damytý týraly Birlesken deklaratsııa jáne Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy memlekettik shekara arqyly ótkizý pýnktteri jáne olardyń jumys rejimi týraly kelisim.
„Egemen Qazaqstan" gazetiniń jazýynsha, Májilis Tóraǵasy Nurlan Nyǵmatýlınniń jetekshiligimen ótken palatanyń keshegi kezekti jalpy otyrysy «Arqankergen» beketinde qaza tapqan shekarashylardy bir mınýt únsizdikpen eske alýdan bastaldy. Artynan Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń 2011 jylǵy respýblıkalyq bıýdjettiń atqarylýy týraly esepteri tyńdaldy. „Qarjy ıgermeýdiń basty sebepteri retinde bıýdjet ákimshileriniń tıimsiz basqarýy, memlekettik satyp alý tártibiniń buzylýy, josparlaýdyń durys uıymdastyrylmaýy sııaqty orynsyzdyqtar aıtyldy. Bul jóninde Esep komıtetiniń tóraǵasy Omarhan Óksikbaev jan-jaqty málimdep ketti. Onyń aıtýynsha, Úkimet respýblıkalyq bıýdjetti ázirlegen kezde onyń shyǵys jáne kiris bólikterin tómendetip kórsetken", - dep jazady basylym.
***
Taıaý jyldary jahandyq aqparatttyq kommýnıkatsııalyq júıeler álemdik ekonomıkalyq ınfraqurylymnyń mańyzdy bóligine aınalmaq. Osyǵan baılanysty Qazaqstan úshin elektrondy saýdany damytý basym baǵyttardyń biri bolady. Bul bir jaǵynan ishki saýdanyń ilgerileýine qozǵaý salýshy kúsh bolsa, ekinshi jaǵynan álemdik ekonomıkalyq úderisterge belsene qatysýǵa múmkindik beredi. Osy rette „Aıqyn" gazeti atalǵan salanyń aldaǵy ýaqyttaǵy damý týrasynda Saýda komıtetiniń tóraǵasy Aıdar Qazybaevty suhbatqa tartqan. Ekeýara áńgime basylymnyń búgingi nómirinde „Elektrondy saýda naryǵy serpindi damý aldynda tur" degen taqyryppen berilgen.
„Alash aınasy" gazetiniń turaqty „Dat!" aıdarynda Y.Altynsarın atyndaǵy Ulttyq bilim berý akademııasynyń prezıdenti, profesor Ama Ábilqasymovamen aradaǵy suhbat „Orta bilim standarttaryn jetildirý - ǵylym men zamanaýı tehnologııany damytýdyń kepili" degen taqyryppen basyldy. Basylym tilshisiniń barlyq saýaldaryna tuşymdy jaýap bergen ǵalym: „Jalpy, bilim salasyndaǵy jańashyl bastamalar, mekteb baǵdaralmasyna engiziletin ózgerister ǵylymı-ádisnamalyq turǵyda negizdelip, salıqaly saraptaýdan ótkizilgeni jón. Mekteb dástúrli bilim júıesimen sabaqtastyǵyn saqtap, eń bastysy, Maǵjan Jumabaev aıtqandaı, janymyzǵa, ulttyq bolmysymyzǵa qabysatyndaı, el múddesine sáıkes keletindeı bolýy kerek", - deıdi.
***
«AQSh-ta birneshe jalǵan medıtsınalyq mekeme ashýǵa kómektesti degen kúdikpen Qazaqstan azamaty ustaldy. Aqparat dúısenbi kúni «St. Louis Today» saıtynda jarııalandy", - dep jazady „Nur Astana" basylymy „Qazaqstandyq azamat tergelip jatyr" degen taqyryptaǵy maqalasynda. Basylymnyń atap ótýinshe, 21 jastaǵy Kamolıddın Akramov AQSh-qa 2010 jyly mamyr aıynda J-1 vızasymen kelgen. Onymen birge Tımýr Qasenov esimdi azamat erip barǵan. Eki jigit Illınoıs qalasyna kelip, Chıkago shtatynyń azamattyǵyn alypty. Sodan keıin jalǵan medıtsınalyq mekemeler ashý úshin Amerıkany aralaıdy. Akramov Amerıkaǵa bara sala Sent-Lýıs qalasy men Sent-Lýıs graftiginde bir, Kalıfornııa shtatynyń Van Naıs qalasynda, Tennesı shtatynyń Neshvıll qalasynda eki jalǵan medıtsınalyq mekeme ashqan kórinedi. Tek ózi ǵana aınalyspaı, birge barǵan Qasenovti de zańsyz áreketke ıtermelegen eken. Degenmen, Qasenovke aıyp taǵylǵanymen, ony áli tutqyndaǵan joq. Amerıkalyq basylym jalǵan medıtsınalyq kompanııa qurý oqıǵasy birinshi ret bolyp otyrmaǵanyn jazady.
***
«Qazaqstanda egistik naýqany aıaqtaldy», - dep jazady «Lıter» basylymy. Sáýirdiń basynda dıqanshylar dán sebý kezindegi múmkindi qıynshylyqtardy aıtyp, topyraq dymqyldyǵynyń tómendigine alańdaǵan bolatyn. Ótıkeni osy qysta qar az túsip, topyraqqa sý az sińgen bolatyn. Abyroı bolǵanda kóktemde jańbyr mol túsip, egistik naýqany sátti ótti. Maqala «Vsemý svoe vremıa» degen taqyryppen berilgen.
