AQSh-ta bir táýlikte koronavırýstan 4 myńdaı adam qaıtys boldy
NUR-SULTAN. QazAqparat – AQSh-ta COVID-19 ınfektsııasynyń saldarynan bir táýlikte qaıtys bolǵan adam sany buryn-sońdy bolmaǵan mejeni kórsetti, dep habarlaıdy QazAqparat VAK baspasóz qyzmetine siltememen.
AQSh-ta sońǵy táýlikte COVID-19 ınfektsııasynyń saldarynan 3 963 adam qaıtys boldy. Bul pandemııa bastalǵannan bergi eń joǵary kórsetkish boldy. Memlekette COVID-19 kesirinen barlyǵy 361 382 adam qaıtys boldy, al indetti juqtyrǵandardyń jalpy sany 21,4 mıllıonǵa jetti.
Ulybrıtanııa bıligi aldaǵy kúnderi jańa shekteý sharalaryn engizetinin jarııalady. Jalpyulttyq karantınmen qatar elge kirý jáne shyǵýǵa tyıym salynbaq.
Irlandııanyń Ryanair avıakompanııasy Ulybrıtanııa men Irlandııa áýejaılaryndaǵy reısterdiń sanyn azaıtpaq. Qańtar aıynyń sońynan bastap ishki reıster múldem oryndalmaýy múmkin nemese olardyń sany kúrt azaıtylady.
Germanııada COVID-19 qarsy ekpe qabyldaǵandardyń sany 417 060 adamǵa jetti. Olardyń kópshiligi ózderiniń kásibı qyzmetine baılanysty vaktsınatsııadan ótken – olar dárigerler, áleýmettik qyzmetkerler jáne qarttar úıleriniń qyzmetkerleri.
