AQSh-ta bir táýlik ishinde eki áýe apaty boldy
ASTANA. 19 qyrkúıek. QazAqparat - AQSh-ta Nevadadaǵy avıashoý kezindegi qaıǵyly oqıǵadan bir táýlik ótpeı taǵy bir áýe apaty oryn aldy. Bul joly Batys Vergınııadaǵy áýe kórinisteri kezinde T-28 Trojan ushaǵy jerge qulap, jaryldy, dep habarlaıdy Euronews.
Ushqysh qaza boldy, jerde zardap shekkender joq.
Esterińizge sala keteıik, ótken jumada Nevadada toǵyz adam qaıǵyly jaıttyń qurbanyna aınaldy. Ekinshi dúnıejúzilik soǵystan qalǵan «Mýstang» joıǵysh ushaǵy dál kórermender otyrǵan jerge qulap, ushqyshty qosa eseptegende jeti adam oqıǵa ornynda kóz jumdy. Taǵy eki adam aýrýhanada qaza boldy.
Qazir apat ornynda sarapshylar zertteý júrgizýde. Olar osy sátti túsirgen beınematerıaldardy jınastyryp, zerttep, ushqyshtyń jermen habarlasqan sózderin tekserip jatyr.
Apattan jaraqat alǵan taǵy on adamnyń hali múshkil. Dárigerler olardyń ómiri úshin kúresip baǵýda.
