AQSh-ta bir mezette 50 júk kóligi soqtyǵysqan
ASTANA. QazAqparat - AQSh-ta qysqy qolaısyz aýa raıynan zardap shegý oqıǵalary tolastamaı otyr. Djordjııa jáne Florıda shtattarynda apat saldarymen kúres jalǵasyp jatqanda Uly kólder jáne Ortalyq Batys daýyldy jel men jaýǵan qardan zardap shegýde, dep habarlaıdy Vesti.ru
Pensılvanııa jáne Massachýsets shtattaryndaǵy basty magıstraldarda kóktaıǵaqtan 50-den astam júk kóliginiń soqtyǵysýy saldarynan kólik qozǵalysy tolyǵymen shekteldi. Júrgizýshiler kólikterin kúrt toqtata almaı, olar bir-birine soǵylǵan. Aýyr júk mashınalary jeńil avtomobılderdi soǵyp, joldyń jıegine laqtyryp tastaǵan. Aýqymdy kólik keptelisiniń saldarynan polıtseıler oqıǵa ornyna birneshe saǵattan keıin ǵana jete alǵan.
