AQSh-ta bir kúnde týylǵan erli-zaıyptylar birinen keıin ekinshisi araǵa táýlik salyp kóz jumdy
ASTANA. 27 shilde. QazAqparat - Ońtústik Kalıfornııada 75 jyl jyl birge ómir súrgen 94 jastaǵy erli-zaıypty Helen jáne Les Braýndar araǵa kún salyp, birinen keıin ekinshisi dúnıeden ótti, dep habarlady Informıng saıty.
Helen men Les bir kúnde - 1918 jylǵy 31 jeltoqsanda dúnıe esigin ashypty. Bolashaq erli zaıyptylar mektepte oqyp júrgen kezderinen bir-birine ǵashyq bolǵan kórinedi, bıyl olar úılengenderine 75 jyl tolǵan mereıtoıyn atap ótken edi.
16 shildede qaterli isikten Helen qaıtys boldy, al kelesi kúni - Parkınson syrqatynan Les kóz jumdy.
«Bizdiń ata-anamyzda naǵyz mahabbat boldy. Olar 75 jyl boıy ár kúni birge boldy», deıdi olardyń úlken uly Les Braýn. Olar 18 jasynda ata-analarynyń qarsylyǵyna qaramastan úıden qashyp ketip, otaý tikken.
