AQSh-ta bir kósheniń jartysy ortasynan opyrylyp tústi
ASTANA. QazAqparat - AQSh-tyń Baltımor qalasynda laı kóshkini saldarynan bir kósheniń jartysy ortasynan opyrylyp tústi, dep jazady 24.kz.
Osynyń kesirinen kóshede turǵan ondaǵan kólikti jer jutqan. Kýágerlerdiń aıtýynsha, jer silkingendeı bolyp, onyń astynan aǵyp jatqan sýdyń daýysy shyqqan. Tótenshe jaǵdaı saldarynan mańaıdaǵy júzdegen úıdiń turǵyndary qaýipsiz jerge kóshirildi. Zardap shekkender jaıly aqparat joq. Bul erekshe oqıǵaǵa aımaqta bir táýlikten astam jaýǵan nóserli jaýyn sebep degen boljamdar aıtylýda. Jaýyn-shashynnyń kóp mólsherinen topyraqty sý shaıyp ketken.
