AQSh-ta bir ǵana turǵyny bar aýyl bar eken
ASTANA. 4 sáýir. QazAqparat - AQSh-taǵy Monovı degen aýylynyń basshysy 77 jastaǵy Elsı Eıler hanym sol aýyldyń eń baqýatty jáne ...eń kedeı turǵyny bolyp tabylady eken.
Nebraska shtatynda júrgizilgen halyq sanaǵy osyny kórsetip otyr, dep habarlaıdy ITAR-TASS agenttigi.
Oǵan qosa, Elsı aýyldaǵy eń bilimdi, eń qurmetti jáne jalǵyzbasty keıýana bolyp tabylady. Qalaı deısizder ǵoı?! Eıler hanym - Monovı aýylynyń jalǵyz ǵana turǵyny eken, sondyqtan da ol kez-kelgen statıstıkalyq anyqtamaǵa engizile bergen. Sanaqtyń qorytyndysy boıynsha, Monovı AQSh-taǵy bir ǵana turǵyny bar jalǵyz derevnıa eken.
2000 jyly júrgizilgen halyq sanaǵynyń deregi boıynsha, Monovıde eki adam ǵana tirkelgen eken, biraq osydan 6 jyl buryn Elsı hanymnyń otaǵasy dúnıeden ozǵan. Sodan beri keıýana aýylda jalǵyz turyp keledi. «Ókinishke qaraı, bizdegi demografııalyq jaǵdaı óte múshkil. Sońǵy sanaqtan beri aýyl turǵyndarynyń sany eki esege qysqardy», - deıdi keıýana ázildep. «Al shynyna kelsek, men ózim sanaly túrde osynda qaldym. Bul jer meniń úıim, meniń otanym», - deıdi ol.
Elsı hanymnyń Monovıde óz bıznesi - otaǵasy ekeýi osydan 40 jyl buryn satyp alǵan tavernasy bar. Sol tavernaǵa keletin turaqty jáne kezdeısoq qonaqtarǵa qyzmet kórsetedi. Keıýana Monovıdiń óńir kartasynan alyp tastalynǵanyn qalamaıdy, sondyqtan da barlyq qajetti qujattardy ózine resimdep qoıǵan. ıAǵnı, jergilikti ákimshiliktiń hatshysy da, esepshisi de, derevnıa basshysy da, tipti jergilikti keńestiń jetekshisi de - Elsı Eıler.
