AQSh-ta bir adam 14 jyl buryn qaıtarylmaǵan kasseta úshin jaýapqa tartyldy
ASTANA. QazAqparat - Amerıkanyń Soltústik Karolına shtatynda polıtsııa 14 jyl buryn jalǵa alý pýnktinen beınekassetalardy qaıtarmaı ketken er adamdy ustady, dep habarlaıdy Reuters.
Konkord qalasynyń 37 jastaǵy turǵyny Djeıms Meıer qyzyn mektepke apara jatqanda polıtseıler toqtatady. Onyń kóliginiń toqtaǵanda janatyn shamy qosylmaǵan bolyp shyǵady. Polıtsııa onyń qujatyn tekserý kezinde bul adamnyń atyna 14 jyl buryn Selısberı qalasynda J&J Video jalǵa alý pýnktine beınekassetany qaıtarmaǵany úshin qamaýǵa alý týraly sot sheshimi baryn anyqtaıdy.
Abyrjyp qalǵan Meıerstiń aıtýynsha, polıtsııa qyzmetkeri oǵan: «Myrza, sizge aıtýdyń ózi yńǵaısyz, biraq 2002 jyly sizdi qamaýǵa alý týraly sot qujaty shyqqan. Siz «Quryp ketshi, Freddı!» fılminiń kassetasyn jalǵa alyp, qaıtarmaǵan kórinesiz», dedi.
Polıtsııa basqarmasy qamaýǵa alýdy rastap, sheshim 2002 jyly 28 aqpanda qazirgi kezde qyzmeti joıylǵan jalǵa berý pýnktiniń suraýymen jazylǵanyn, mámileger sýdıanyń oǵan qol qoıǵanyn naqtylady.
Meıersti polıtsııa erteńinde ýchaske kelýge ýádesin alyp bosatyp jiberedi. Ýchaskede onyń qolyna kisen salynyp mámileger sotyna jetkizildi. Bir aıdan soń osy iske qatysty sot otyrysy ótedi.
Atalmysh fılm «Altyn tańqýraı» premııasyna 9 ret usynylyp, 6 atalym boıynsha - onyń ishinde «Eń nashar fılm», «Eń nashar stsenarıı» jáne «Er adamnyń eń nashar róli» atalymdarynda jeńiske jetken.
Keıinirek ol on jyldaǵy eń nashar fılmi retinde de atalymǵa usynylypty.
