AQSh-ta bilim alǵan shıelilik aǵylshyn tilin tegin úıretedi

ShIELІ. QazAqparat - Shıelilik jas kásipker Móldir Dúısenova turmysy tómen otbasy balalaryna aǵylshyn tilin tegin úıretedi, dep habarlaıdy QazAqparat tilshisi.

Ol aýdarmashy mamandyǵy boıynsha bilim alǵan. Odan keıin AQSh elinde bilimin jetildirip qaıtty. Odan keıin Túrkııa men Reseıde tájirıbesin tolyqtyrdy. Aǵylshyn tilin jetik meńgergen jas kásipker byltyr «Zhas Project» jobasy boıynsha grantqa qol jetkizdi. Shıelide 2013 jyldan beri aǵylshyn tili kýrsyn ashqan ol jergilikti órenderge tálim berý isin jolǵa qoıdy.

«Búgingi kúnge deıin aýdannyń 3 myńǵa jýyq óreni bizdiń kýrstarǵa qatysty. Alǵashqyda ózim ǵana qyzmet atqarǵan edim. Qazir bizde 10 muǵalim bar. Tórt jerden fılıal ashtyq. Bizge aýyl mektepterinen de usynys túsip jatyr», - dedi Móldir Dúısenova.

Sońǵy ýaqytta ol izgi isti qolǵa aldy. Jetim balalar, tolyq emes, az qamtylǵan jáne kóp balaly otbasy balalaryna tegin dáris berip keledi.