AQSh-ta bıdaı baǵasy kúrt kóterilip ketti

AQSh-ta bıdaı fıýchersi 4,4 paıyzǵa ósip, aldaǵy qyrkúıek aıynda jetkiziletin astyqtyń baǵasy 1 býshel úshin (27 keli) 8,21 dollardan asyp tústi, dep habarlaıdy RBK agenttigi.

Azııalyq saýda naryqtarynda da bıdaı fıýchersteri 4,8 paıyzǵa kóterilip otyr.

Keshe, tamyzdyń 5-inde RF premeri Vladımır Pýtın, qurǵaqshylyqqa baılanysty Reseı Úkimetiniń astyq pen odan óndiriletin taýarlardyń eksportyna ýaqytsha tyıym salý týraly sheshim qabyldaǵanyn málim etken bolatyn. V.Pýtın, Reseıdiń qory jetkilikti ekenin, degenmen «azyq-túliktiń ishki baǵasynyń ósýine jol bermeý, mal basyn saqtaý, kelesi jyldyń qoryn jasaý» qajettiligin basa aıtyp ótti.

Reseı astyq odaǵynyń baǵalaýynsha, 2011-2011 jylǵy maýsymda (shilde aıynan kelesi shilde aıyna deıingi aralyqta) Reseıdiń astyq eksporty 20 mıllıondaı tonnany quraýy kerek bolatyn.