AQSh-ta benzınniń ortasha baǵasy rekordtyq deńgeıge jetti
ASTANA. KAZINFORM — AQSh-ta benzınniń ortasha baǵasy jańa rekordtyq kórsetkishke — gallonǵa $4,46 (3,79 l) jetti, bul 7 sáýirde Iranmen ýaqytsha kelisim jarııalanǵannan keıingi eń joǵary kórsetkish. Bul týraly NBC News-ke silteme jasap, BELTA habarlady.
Bastapqy málimetterge qaraǵanda, Irandaǵy áskerı operatsııa bastalǵannan beri benzınniń ortasha baǵasy 49%-dan astam ósken. Osy ýaqytta munaı baǵasy jyl basynan beri shamamen 80%-ǵa qymbattady.
Baǵanyń ósýine qysqa merzimdi qysymnyń kúsheıýi, ásirese, AQSh prezıdenti Donald Tramptyń Iran porttaryn blokadada ustaý nıetin bildirýimen baılanysty.
— Biz baǵanyń bul qysqa merzimdi ósýi amerıkan halqyna qalaı áser etetinin túsinemiz, — dep jaǵdaıǵa AQSh qarjy mınıstri Skott Bessent pikir bildirdi.
Benzın eń qymbat Kalıfornııada — gallonǵa $6,11. Vashıngton jáne Gavaıı shtattarynda onyń baǵasy $5,6-ǵa jetedi. Sondaı-aq, Oregon, Nevada jáne Alıaska turǵyndary úshin janarmaı baǵasy $5-ten asady.
Buǵan deıin AQSh-ta benzınniń ortasha baǵasy bir gallonǵa 3,57 dollardan 5,96 dollarǵa deıin aýytqyp, AQSh azamattarynyń bıýdjetine qosymsha salmaq túsiretinin jazdyq.
