AQSh-ta benzınniń bólshek baǵasy arzandaı túspek
ASTANA. QazAqparat - AQSh-ta benzınniń bólshek baǵasy tómendeı túsýde, dep habarlady TASS.
Sońǵy eki aptanyń ishinde olar 13 tsentke arzandap, qazir elde ortasha eseppen alǵanda eń arzan benzın bir gallon (1 lıtri 77 tsent shamasynda) 2,94 dollardy qurady. Lundberg Survey qyzmeti júrgizgen 2,5 myń maı quıý stansasyndaǵy saýaldama eń qymbat benzın qazirgi kúnde San-Frantsıskoda (Kalıfornııa shtaty) tómengi sortty 1 gallon janarmaı 3,27 dollardy quraıtynyn kórsetti. Eń arzan benzın Memfıs qalasynda - gallony - 2,65 dollar. Sarapshylardyń atap ótýinshe, qazirgi bir gallon tómengi sortty janarmaıdyń baǵasy ótken jyldyń osy kezindegi baǵadan 27,55 tsent tómen bolyp otyr. Taldamashylardyń pikirinshe, AQSh-ta benzın baǵasynyń arzandaýy álemdik bırjalarda munaı qunynyń arzandaýyna, eń aldymen munaıǵa suranys azaıýyna baılanysty. Ótken aptada jarııalanǵan OPEK-tiń jyl saıynǵy baıandamasynda 2017 jyldyń sońyna deıin kartel óndiretin munaıdyń baǵasy táýligine 28,2 mln. barrelge deıin tómendeýi múmkin ekeni aıtyldy. Bul burynǵy boljamnan góri budan bir jyl burynǵydan táýligine 600 myń barrelge deıin tómen bolady dep kútilýde, ol sońǵy 14 jyldaǵy eń tómen kórsetkish bolmaq. Jergilikti taldamashylar AQSh-ta taıaýdaǵy aptalarda benzın baǵasy odan ári tómendeı túsetinin aıtady. Buǵan munaı baǵasynyń arzandaýy da áserin tıgizýde.
