AQSh-ta ben Ladenniń kúıeý balasyna qatysty sot bastaldy
ASTANA. 9 naýryz. QazAqparat - Ýsama ben Ladenniń kúıeý balasy jáne «Ál-Kaıdanyń» jetekshileriniń biri Súleıman ábý Geıt óz kinásin moıyndamaı otyr, oǵan beısenbi kúni lańkestik áreketi úshin aıyp taǵylǵan bolatyn, dep habarlaıdy Reseı jańalyqtary agenttigi Assoshıeıted Presske silteme jasap.
Ábý Geıttiń málimdemesin onyń qorǵaýshysy Nıý-Iork federaldyq sotyna jetkizdi. Prokýratýra ony 2001 jyldyń 11 qyrkúıegindegi lańkestik aktilerin aqtady jáne terrorısterdiń jańa shabýyly jóninde málimdeme jasady dep aıyptap otyr.
Ábý Geıt 2 aqpan kúni Ankaranyń qonaqúıleriniń birinde ustaldy. Ony quryqtaýǵa Túrkııanyń barlaýshylary men AQSh-tyń Ortalyq barlaý qyzmeti (OBQ) birlesip at salysty. AQSh úkimeti oǵan «Ál-Kaıda» jóninde saýal qoımaq bolyp jatqanda, Túrkııa ábý Geıtti amerıkandyqtarǵa berýden bas tartyp, ony bosatyp jiberdi. Alaıda kóp uzamaı OBQ Iordanııada ben Ladenniń kúıeý balasyn qaıtyp ustady.
