AQSh-ta belgisiz bireýler merekelik sherýge oq atty, eki adam qaza tapty
ASTANA. QazAqparat - Jeksenbi kúni Amerıkanyń Mıssısıpı shtatynyń ońtústigindegi Pass-Krıschen qalasynda belgisiz bireýler Mardı-Gra - katolıkterdiń dini meıramyna oraı ótkizilgen sherýge oq atqan. Jergilikti bılik ókilderiniń habarlaýynsha, oqıǵa saldarynan eki adam qaza taýyp, tórteýi jaraqat alǵan.
Jábirlenýshiler aýrýhanaǵa jetkizildi. Quqyq qorǵaý organdarynyń qyzmetkerleri atysty bastaǵan adamdardy izdestirýde. Oqıǵa ornyna polıtsııa kúshteri jetkizildi.
Mardı-Grany merekeleý maýsymy Amerıkanyń ońtústik shtattarynda shamamen bir aptaǵa sozylady. Sol ýaqytta saltanatty sherýler ótkizilip, ony tamashalaýǵa myńdaǵan týrıster jınalady. Bul joly ótken sharaǵa 50 myńǵa jýyq adam kelgen.
