AQSh-ta belgisiz bireýler atys uıymdastyryp, túngi klýbtaǵylardy kepilge aldy
MÁSKEÝ. QazAqparat - Florıda shtaty Orlando qalasynda belgisiz bireýler atys uıymdastyryp, túngi klýbtaǵy adamdardy kepilge aldy, dep habarlady amerıkalyq BAQ.
ITV telearnasy habarlaǵandaı, oqıǵa Pulse geı-klýbynda oryn aldy. Ol jerdi polıtsııa qorshaýǵa aldy. Belgili bolǵan derek boıynsha birneshe adam jaralandy. Kýálerdiń aıtýynsha, oq atqandar sany - ekeý.
Bul táýlik ishinde Orlandoda oryn alǵan ekinshi atys. Keshe «Daýys» shoýynyń juldyzy Krıstına Grımmıge kontsertten keıin oq atylyp, mert bolǵan.
