AQSh-ta belgisiz bireý bankke shabýyl jasaǵan, 5 adam qaza tapty
ASTANA. QazAqparat - AQSh-ta sársenbi kúni Sebrıng qalasyndaǵy (shtat Florıda) Suntrus bankiniń bólimshesine belgisiz bireý shabýyl jasady. Qaskúnem bankte oq jaýdyryp, birneshe adamdy kepilge alǵan kezde kem degende bes adam qaza tapty, dep habarlaıdy CNN telekompanııasy polıtsııa ókiline silteme jasap.
Quqyq qorǵaý organdarynyń málimetterine qaraǵanda, birneshe adam jaralanǵan. Kimniń mert bolǵany nemese zardap shekkeni ázirge anyqtala qoıǵan joq.
Kúdikti ustaldy.
Budan buryn bank bólimshesinde aldymen adamdardy kepilge alyp, artynsha tártip saqshylarynyń berilý týraly talabynan bas tartyp oq jaýdyrǵan adamdy polıtsııanyń ustaǵandyǵy habarlanǵan bolatyn.
Sondaı-aq ǵımaratqa shabýyl kezinde kepilge alynǵandardyń birnesheýi zardap shekkeni aıtylǵan edi.
Oqys oqıǵaǵa baılanysty tergeý bastaldy. Aldyn ala boljam boıynsha, qaskóı bankti tonaýǵa árekettengen.
