AQSh-ta belgisiz bireý 1 adamdy óltirip, bes adamdy jaraqattaǵan soń, ózin atyp óltirgen
ASTANA. Qazannyń 5-i. QazAqparat - Florıda shtatyndaǵy Geınzvıll qalashyǵynda belgisiz bireý óziniń avtokóliginen kóshedegi adamdarǵa oq atty, dep habarlaıdy Bı-Bı-Sı Assoshıeıted-press aqparat agenttigine silteme jasaı otyryp.
Shtat polıtsııasynyń ókili Tcharna Senn habarlaǵandaı, qyzyl tústi avtokóliktiń júrgizýshisi kóshe boıymen júrip, jaıaý júrginshilerdi ata bastaǵan, alaıda qylmystyń sebebi, qaza tapqandar men qylmyskerdiń tulǵasy áli anyqtalmaǵan.
Zardap shekken bes adam ártúrli dene jaraqattaryn alyp, qazirgi tańda olarǵa Geınzvıll aýrýhanalarynda kómek kórsetilip jatyr.
