AQSh-ta bedeldi ıtter baıqaýy bastalady
ASTANA. QazAqparat - Búgin Nıý-Iorkte 138-shi ret Westminster Kennel Club Dog Show kórmesi ashylady. Oǵan amerıkalyq jáne sheteldik 3 myńnan astam ıt qatysady dep josparlanyp otyr, dep habarlaıdy ITAR-TASS.
«Osy jylǵy kórme ereksheligimen tarıhta qalatyn bolady. Sebebi, oǵan AQSh-tyń 50 shtatynan kelgen ıtter qatysady. Oǵan qosa, 120 eldiń kórikti janýarlary da qatysýǵa nıet bildirdi. Atap aıtqanda, Fınlıandııa, Slovenııa, Japonııa, Taıland jáne taǵy basqa elder bar», - deıdi baıqaýdyń uıymdastyrýshylary.
Uıymdastyrýshylardyń aıtýynsha, kórmege ıttiń 190 túri qatystyrylmaq. Sondaı-aq olar baıqaýda jeti atalym boıynsha baq synaıtyn bolady.
Jalpy, atalmysh kórme-baıqaýy Nıý-Iorkte 1877 jyldan beri uıymdastyrylyp keledi. Jylyna bir ret ótkiziletin bul baıqaý Kentucky Derby at jarysynan keıingi eldegi ekinshi kóne sport sharasy bolyp sanalady.
