AQSh-ta bar mańynda atys bolyp, úsh adam qaza tapty

ASTANA. KAZINFORM – AQSh-tyń Soltústik Karolına shtaty Saýtport qalasynda belgisiz er adam bar mańynda oq atyp, saldarynan úsh adam qaza taýyp, segiz adam jaralandy, dep habarlaıdy Sınhýa.

Qalanyń resmı ókiliniń aıtýynsha, qarýly adam senbi kúni keshke Saýtporttaǵy ıahta aılaǵynda jınalǵan kópshilikke oq jaýdyrǵan. Kúdikti ustalyp, qazir tergelip jatyr.

Jeksenbi kúni ótken baspasóz konferentsııasynda Saýtport polıtsııasynyń bastyǵy Todd Korıng qazir qoǵamǵa tóngen belsendi qaýip joq ekenin málimdedi.

Onyń sózinshe, atysqa ne sebep bolǵanyn aıtýǵa áli erte.

Buǵan deıin Saýtport bıligi áleýmettik jeliler arqyly turǵyndardy oqıǵa ornyna jaqyndamaýǵa jáne úılerinde bolýǵa shaqyrǵan edi.

Eske salaıyq, buǵan deıin AQSh-ta Donald Tramptyń jaqtasy, saıası belsendi Charlı Kırkke oq atylǵan bolatyn.