AQSh-ta balmuzdaq murajaıy ashyldy
ASTANA. QazAqparat - AQSh-tyń Nıý-Iork qalasynda balmuzdaq murajaıy ashyldy. Mundaǵy erekshelik, qoıylǵan barlyq eksponattardyń dámin tatyp, qolymen ustaýǵa bolady, dep habarlaıdy KazakhTV telearnasy.
Murajaıda barlyǵy 6 zal bar. Olardyń árqaısysynyń jabdyqtalý úlgisi de erekshe. Máselen, bir bólmesinde kelgen qonaqtarǵa balmuzdaq dámi seziletin aýa toltyrylǵan shar usynsa, endi biri shokalad zaly dep atalady. Al basty eksponaty - tátti kámpıtter basseıni. Kelýshiler munda jasandy táttilerdiń ishinde júze alady. Oǵan qosa, árbir murajaı qonaǵyna eksklıýzıvti balmuzdaq usynylady.
«Bul meniń bala kúnnen bergi armanym edi. Aqyry qol jetkizdim. Eksponattardyń kóbin jeýge bolmaıdy. Biraq olardy shynaıy zattardan aıyrý qıyn. Táttiler balalarǵa da eresekterge de qýanysh syılaıdy. Adamdar murajaıǵa kirisimen táttiler álemine engendeı bolady», deıdi mýzeı jetekshisi Merılıs Bann.
