AQSh-ta balkondar qırap, 30 adam zardap shekti
ASTANA. QazAqparat - AQSh-ta erekshe jaǵdaı oryn aldy, stýdenttik saýyq kesh kezinde kottedjderdiń birinde balkondar qırap, shamamen 30 adam zardap shekti.
Aımaqtyq WFSB telekompanııasynyń habarlaýynsha, tótenshe jaǵdaı Konnektıkýt shtatyndaǵy Hartford qalasynda bolǵan. Stýdenttik saýyq kesh ótip jatqan Trinity kolledjiniń kampýsy mańyndaǵy ǵımarattyń úshinshi qabatyndaǵy balkon qulap, astyńǵy eki balkondy qıratty.
WFSB málimetteri boıynsha, úshinshi qabat balkonynda 5 adam bolǵan, zardap shekkenderdiń basym bóligi tómengi balkondarda bolǵan.
Jergilikti polıtsııa túrli deńgeıde jaraqat alǵandardyń qalanyń bes túrli aýrýhanasyna jatqyzylǵanyn habarlady. Eshqaısysynyń ómirine qaýip tónip turǵan joq.
