AQSh-ta bala týý kórsetkishi jeti jylda alǵash ret ósti
AQSh-tyń Aýrýlardy baqylaý jáne aldyn alý ortalyqtary Ulttyq densaýlyq statıstıkasy ortalyǵynyń esebinde 2021 jyly 3 664 292 balanyń dúnıege kelgeni kórsetilgen, bul 2020 jylmen salystyrǵanda 1%-ǵa joǵary. Bul kórsetkish 2014 jyldan beri alǵash ret ósip otyr. Máselen, 2014-2019 jyldar aralyǵynda bala týý jylyna orta eseppen 1%-ǵa tómendese, 2019-2020 jyldar aralyǵynda 4%-ǵa azaıǵan, bul eldegi pandemııa men ekonomıkalyq belgisizdikke baılanysty. Qujatta AQSh-taǵy áıelderdiń bala kóterý koeffıtsıenti (aǵzanyń bala kóterý qabileti) 2020 jyldan 2021 jylǵa deıin 1%-ǵa ósip, reprodýktıvti jastaǵy 1000 áıelge shaqqanda 56,3 týýdy qurady.
Sonymen birge halyqtyń etnıkalyq tegine baılanysty bala týý sanynda aıyrmashylyqtar bar. Aq jáne ıspan tilinde sóıleıtin áıelder arasynda 2020-2021 jyldar aralyǵynda ár topta bala týý kórsetkishi 2%-ǵa ósken. Alaıda, afroamerıkalyq jáne azııalyq áıelder 2020 jyldan 2021 jylǵa deıin bala týý kórsetkishi 2%–ǵa, al amerıkalyq úndister men Alıaska áıelderi arasynda 3%-ǵa azaıdy. Geografııalyq bóliniste bala týý sany 2020 jyldan 2021 jylǵa deıin 16 shtatta ósken jáne bir shtatta – Nıý-Meksıkoda azaıdy. 16 shtattyń ishinde Konnektıkýt, Massachýsets jáne Nıý-Gempshırde eń joǵary kórsetkish - 5%–6% tirkeldi.
Foto: Getty Images
