AQSh-ta azyq-túlik óndiretin 16 kompanııa ónimderindegi tuzdyń mólsherin 20 paıyzǵa tómendetpek
ASTANA. Sáýirdiń 27-si. QazAqparat - AQSh-ta azyq-túlik óndiretin 16 kompanııa taýarlarynyń quramyndaǵy tuzdyń mólsherin 20 paıyzǵa tómendetpek. Bul týraly Nıý-Iork meri Maıkl Blýmberg dúısenbi kúni málim etti, dep habarlaıdy ITAR-TASS agenttigi.
«Tuzdyń shamadan tys mólsheri qan qysymynyń joǵarylaýyna sebep bolýy jáne júrek talmasyna ákelýi ábden múmkin», - dep málim etti qala basshysy megapolıs merııasynda bolǵan baspasóz máslıhatynda.
Tutynýshylardyń densaýlyǵy úshin kúresýge nıetti kompanııalardyń qatarynda "Haınts" /Heinz/, "Kraft fýds" /Kraft Foods/, "Starbaks" /Starbucks/ sııaqty alpaýyttar jáne "Sabveı" /Subway/ dámhanalar jelisi bar.
