AQSh-ta aıyppul tóletpek bolǵan polıtsııa qyzmetkerin atyp ketti
ASTANA. QazAqparat - AQSh-tyń Tehas shtatynyń quqyq qorǵaý organynyń qyzmetkerleri polıtsııa qyzmetkerin qujattardy tekserý kezinde atyp ketken kúdiktini izdestirýde. Bul týraly KTLA 5 telearnasynyń málimetterine silteme jasap ria.ru habarlaıdy.
Telearnanyń málimetteri boıynsha, oqıǵa shtattardyń ońtústiginde jeksenbi kúni boldy. San-Antonıo qalasynyń polıtsııa qyzmetkeri qyzmet kóliginiń ishinde jol erejesin buzǵany úshin toqtatylǵan júrgizýshilerdiń birine aıyppul tóleý jóninde qujattardy toltyryp jatqan.
Osy mezette polıtsııa qyzmetkeriniń kóliginiń artyna ekinshi bir qara tústi kólik kelip toqtaǵan. Ol kólikten kúdikti azamat shyǵyp, polıtsııa qyzmetkerine kelip, eki ret oq atqan.
San Antonıo qalasynyń polıtsııa departamenti kúdikti azamattyń kóliginiń sýretin Facebook jelisinde jarııa etti. Al, jergilikti polıtsııa ókilderi kúdiktiniń kim ekeni jáne onyń ne úshin mundaı qadamǵa barǵany anyqtalmaǵandyǵyn aıtyp otyr.
