AQSh-ta Aıǵa bıletter satyla bastady
ASTANA. 7 jeltoqsan. QazAqparat - NASA-nyń burynǵy ǵalymdary men ákimshileri Aıǵa jeke ushýlardy uıymdastyrýmen aınalysatyn Golden Spike kompanııasynyń qurylǵanyn habarlady.
Bul týraly Associated Press-ke silteme jasap RBK habarlady.
Kompanııany NASA bólimsheleriniń biriniń burynǵy basshysy Alan Stern basqardy. Ol Aıǵa ushyp baryp-qaıtý bıleti 1,5 mlrd. dollar turatynyn aıtty. Aıta ketken jón, kompanııa qazirdiń ózinde «birneshe qyzyqty ótinishter» aldy. Maqsatty aýdıtorııa - Azııa, Afrıka, sondaı-aq Ońtústik Koreıa men Japonııa elderiniń dáýletti bıznesmenderi.
«Golden Spike Aıǵa birinshi týrıstti 2020 jyly attandyrýdy josparlap otyr, al 2030 jylǵa qaraı 10-15 ushýdy iske asyrmaq nıette», - dep josparlarymen bólisti A.Stern.
Adamnyń qatysýymen Aıǵa sońǵy sapar 1972 jyly 11 jeltoqsanda «Apollon» baǵdarlamasynyń aıasynda ótti.
