AQSh-ta áıel 5 jasar balasyn arystannyń azýynan aman alyp qaldy
ASTANA. QazAqparat - AQSh-tyń Kolorado shtatynda taý arystany 5 jasar balaǵa shabýyldady, dep habarlady 24.kz.
Bala óziniń aǵasymen birge úıdiń aldyndaǵy kógalda oınap otyrǵan. Qorqynyshty daýysty estip, dalaǵa júgirip shyqqan áıel arystandy kóredi. Ol balany arystan tapa bas salǵan jerinen sýyryp alyp shyǵady. Balanyń ákesi qutqarýshylardy shaqyrtyp, búldirshin aýrýhanaǵa jatqyzyldy.
Dárigerlerdiń aıtýynsha, balanyń basy, moıny jáne beti qatty jaraqattanǵan. Al anasynyń qoldary men aıaqtary jaralandy. Jergilikti polıtsııa qyzmetkerleri arystandy úıdiń janynan taýyp, ony atyp óltirdi.
