AQSh-ta avtomat tek utys shyǵatyn bıletterdi bergen
ASTANA. QazAqparat - AQSh-taǵy Ońtústik Karolına qalasynda avtomat tehnıkalyq aqaýlar saldarynan jergilikti lotereıanyń tek utys shyǵatyn bıletterdi bergen.
Osynyń arqasynda ár lotereıadan 500 dollardan alýdyń múmkindigi týǵan. Al jalpy júlde qory 20 mıllıon dollardy quraǵan.
Bul týraly WYFF News 4 arnasy habarlady.
Eki saǵat boıy turǵyndar rojdestvolyq lotereıa bıletterin satyp alýmen bolǵan. Tipti keıbiri utylmaıtyndyǵyn túsinip, birden birneshe bılet alǵan kórinedi.
Bir áıel 100 dollarǵa bılet alyp, 18 myń dollar utady. Ol aqshasyn almaqqa árekettengen kezde ǵana bıletiniń jaramsyz ekendigi anyqtaldy.
Lotereıa oınatqan kompanııanyń ókilderi bul óreskel qatelik jóninde resmı málimdep, keleńsiz jaǵdaıdy tekserýge kiristi.
Ázirge utysty berý keıinge qaldyrylyp otyr.
