AQSh-ta avtokólik dońǵalaǵyn urlamaq bolǵan úsh qazaqstandyq kinálaryn moıyndady

Endi qazaqstandyq úsh stýdenttiń taǵdyryn AQSh soty sheshetin bolady.  Bul týraly búgin SІM resmı ókili Altaı Ábıbýllaev málim etti.

«Qazaqstannyń úsh azamatynyń ustalý jaǵdaıyn anyqtaýǵa baılanysty biz Hıýston polıtsııasynyń departamentimen baılanysqan edik. Áńgime barysynda qazaqstandyqtar óz kinálaryn tolyǵymen moıyndaǵanyn bildik. AQSh aýmaǵynan eshqaıda ketpeý týraly qolhat alynǵan soń, 20 naýryzda olar bosatylǵan eken», -  deıdi resmı ókil.

Onyń málimetterine qaraǵanda, 3 sáýirde Hıýstonda kezekti sot otyrysy bolyp, onda atalǵan is boıynsha sońǵy sheshim shyǵatyn bolady.