AQSh-ta avtokólik bir top adamdy qaǵyp ketti
ASTANA. QazAqparat - AQSh-tyń Sent-Lýısta (Mıssýrı shtaty) qalasynda avtokólik júrgizýshisi eske alý aktsııasyna jınalǵan bir top adamdy qaǵyp ketti, dep habarlady Fox News telearnasy.
Tótenshe oqıǵadan birneshe adam zardap shekti. Alaıda olar medıtsınalyq qyzmet kórsetýden bas tartqan.
Jol kólik oqıǵasy seısenbi kúni qarýly qarsylyq kórsetkeni úshin polıtsııa qyzmetkerleri qolynan qaza tapqan jergilikti turǵyn Kıvı Herrındi eske alý aktsııasy ótip jatqan jerge jaqyn bolǵan. Ol pyshaqty tasta degen buıryqty oryndamaı, kórshisin jáne quqyq qorǵaý organynyń qyzmetkerin jaraqattaǵan edi.
Oqıǵanyń jaı-japsary tekserilýde.
