AQSh-ta avtokólik bir top adamdy qaǵyp, eki adam qaza tapty
ASTANA. QazAqparat - Amerıkanyń soltústigindegi Alster qalasynda (Ońtústik Dakota) zeınet jasyndaǵy áıel basqarǵan jeńil avtokólik jaıaý júrginshiler tobyn qaǵyp ketti. Sonyń saldarynan eki adam qaza taýyp, alty adam aýyr jaraqat aldy, dep habarlaıdy Fox News agenttigi.
Oqıǵa ońaltý ortalyǵynyń mańynda boldy. Kýágerler júrgizýshiniń kólikti basqara almaı trotýarǵa shyǵyp ketkenin aıtty. Kólik aldymen ońaltý ortalyǵynan shyqqan bir top adamdy qaǵyp, odan keıin ortalyq ǵımaratyna soǵylǵan.
Kólikti basqarǵan egde jastaǵy áıeldiń ózi de jaraqat aldy. Qazir ol aýrýhanaǵa jetkizildi.
Jol saqshysy Tonı Mangananyń aıtýynsha, zeınetker áıeldiń gaz ben tejegish basqyshtaryn almastyryp alýy ábden múmkin. Óıtkeni, aldyn ala málimetter boıynsha áıel bir top adamdy abaısyzda qaǵyp ketken.
