AQSh-ta avtobýs pen júk kóligi soqtyǵysynan 13 adam qaza tapty
ASTANA. QazAqparat - Kalıfornııanyń ońtústiginde týrıstik avtobýs pen júk kóligi soqtyǵysyp, 13 adam mert boldy. Shamamen 30 adam jaraqat alyp, aýrýhanaǵa jetkizildi. Olardyń beseýi aýyr halde jatyr, dep habarlaıdy Bı-bı-sı.
Fotosýretten júk kóliginiń artqy bóligine avtobýstyń soǵylǵanyn kórýge bolady.
Apat jeksenbi kúni tańǵy ýaqytta Palm-Sprıngs kýrortty qalasynyń mańyndaǵy tas jolda bolǵan.
Avtobýs Los-Andjeleske bet alǵan. Ázirge apattyń neden týyndaǵany belgisiz.
Apattan aldyńǵy bóliginiń saý tamtyǵy qalmaǵan avtobýsqa kirý úshin qutqarýshylarǵa satyny paıdalanýǵa týra keldi.
Desert Sun gazetiniń habarlaýynsha, týrıstik avtobýs Solton qalasy mańyndaǵy Red Earth oıynhanasynan kele jatqan.
