Aýrý juqtyrýy múmkin - AQSh-ta jol apatynan keıin qashyp ketken maımyl izdestirilip jatyr

ASTANA. KAZINFORM – Mıssısıpı shtatynyń bıligi jol apatynan keıin qashyp ketken zerthanalyq maımyldy izdeý jumysyn júrgizip jatyr. Prımat aýrý juqtyrǵan bolýy múmkin, dep habarlaıdy Guardian.

Aqparatqa sáıkes, Lýızıana shtatyndaǵy Týleın ýnıversıtetiniń Ulttyq bıomedıtsınalyq ortalyǵynan kelgen rezýs-makakalar S gepatıti jáne Covid-19 sııaqty birneshe vırýsty juqtyrǵan, sondyqtan adamdar úshin qaýip tóndirýi múmkin.

Salmaǵy shamamen 12 kg bolatyn prımattar agressııa tanytqan, sondyqtan olarǵa tek jeke qorǵanys quraldarymen ǵana jaqyndaýǵa ruqsat etildi.

Keıinirek jergilikti polıtsııa ókilderi bir maımyldan basqasynyń bári óltirilgenin habarlady. Qazirgi ýaqytta sońǵy makakany izdeý jumystary júrgizilip jatyr.

Buǵan deıin Ganada maımyl sheshegi taralyp jatqanyn jazǵan bolatynbyz.