AQSh-ta áýege tik kóteriletin jolaýshylar ushaǵy jasaldy
ASTANA. QazAqparat - Amerıkada Transcend Air startapy áýege tik kóteriletin jolaýshylar ushaǵyn usyndy, dep habarlaıdy «QazAqparat» HAA CNN telearnasyna silteme jasap.
Kompanııa ókilderiniń aıtýynsha, tik ushatyn ushaqtar negizinen bıznes tasymaldaýlar úshin qolaıly, olar kásipkerlerdiń ýaqyt únemdeýine septigin tıgizedi. Ushaqtyń áýege kóterilýi men qonýy úshin kez kelgen alań, sonyń ishinde tikushaq alańdary da jaramdy.
Transcend Air bas operatsııalyq dırektory Pıter Shmıdttiń sózine qaraǵanda, kompanııa ázirge naryqty retteýshilermen kelissózder júrgizýde. Kompanııa mundaı ushaqtardyń qyzmetine 2024 jylǵa qaraı ruqsat alýdy josparlap otyr.
Ushaqty 6 jyldyń ishinde jasalǵan. Syrt pishininen tikushaq ispettes alyp drondy eske salatyn ushaqtyń salonynda nebári alty oryn bar. Onda bortserik qyzmeti kórsetilmeıdi.
Ushaq jyldam ushady. Eger joba quptalsa, amerıkalyqtar Nıý-Iorktan Bostonǵa deıin 36 mınýtta (jeńil kólikpen shamamen 3,5-4 saǵat), Los-Andjelesten San-Frantsıskoǵa 55 mınýtta, al Torontodan Monrealǵa bir saǵatta jetýge bolady.
Foto: transcend.aero
